Almatyda kólik qaqqan 26 jastaǵy jigit kóz jumdy
ALMATY. QazAqparat - Almatynyń ortalyq kósheleriniń birinde jaıaý júrginshini kólik qaǵyp, mert qyldy, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, jol apaty 12 qazanda keshki saǵat 21:40-ta ál-Farabı dańǵylynda boldy.
«Peugeut 308» kóligi ál-Farabı dańǵyly boıymen batys baǵytta ketip bara jatyp, Mendiqulov kóshesiniń qıylysynda jaıaý júrginshi qaǵyp ketti. Belgili bolǵanyndaı, ol joldy ruqsat etilmegen jerden kesip ótpekshi bolǵan. Jol apaty saldarynan 1995 jyly týǵan er adam alǵan jaraqatynan jedel járdem kóligi kelgenshe kóz jumdy», - dedi Almaty qalasy PD tergeý basqarmasynyń bastyǵy Oljas Sháripov.
Onyń aıtýynsha, Qylmystyq kodekstiń 345-baby 3-bóligi boıynsha sotqa deıingi tergeý bastaldy.
