Almatyda kólik qaqqan 12 jastaǵy qyz ajal qushty
ALMATY. QazAqparat – Almatyda «Skoda Rapid» kóliginiń júrgizýshisi joldy ruqsat etilmegen jerden kesip ótip bara jatqan 12 jastaǵy qyzdy qaǵyp, mert qyldy, dep habarlaıdy QazAqparat tilshisi.
Almaty qalalyq polıtsııa departamenti baspasóz qyzmetiniń málimeti boıynsha, kólik apaty 8 qazan kúni keshki saǵat 18.30-da bolǵan.
«Skoda Rapid» júrgizýshisi «Nurlytaý» yqshamaýdanynan Saparjol kóshesimen soltústik baǵytta kele jatyp, 5 «A» úıine qarama-qarsy jaıaý júrginshini qaǵyp ketti. Oqýshy ruqsat etilmegen jerdi kesip ótken. Saldarynan 2009 jyly týǵan jaıaý júrginshi alǵan jaraqattarynan oqıǵa ornynda kóz jumdy», - dedi Almaty qalasy PD anyqtaý basqarmasynyń bastyǵy polıtsııa podpolkovnıgi Oljas Sháripov.
Atalǵan derek boıynsha, QR Qylmystyq kodekstiń 345-babynyń 3-bóligine sáıkes sotqa deıingi tergeý bastaldy.
Buǵan deıin Almaty oblysynda 8 jasar oqýshy ıtten qorqyp, jolǵa júgirip shyǵyp, júk kóliginiń astyna túsip ketkeni týraly jazǵan bolatynbyz.
