Almatyda kólik qaǵyp ketken 12 jasar qyz aýrýhanaǵa jetkizildi

ALMATY. QazAqparat - Almatyda joldy kesip ótip bara jatqan 12 jasar oqýshyny kólik qaǵyp ketti, dep habarlaıdy QazAqparat.

Keshe, 30 sáýir kúni keshki 16:45 shamasynda Hyundai Accent kóligin tizgindegen I. atty júrgizýshi Jandosov kóshesimen batysqa qaraı ketip bara jatqanda oqýshy qyzdy qaǵyp ketken.

2010 jyly týǵan A. esimdi qyz bala kósheni soltústik baǵytta, rettelmeıtin jaıaý júrginshiler joly arqyly kesip ótip bara jatqan.

Jol apaty saldarynan kámelet jasyna tolmaǵan jaıaý júrginshi №2 qalalyq balalar aýrýhanasyna jatqyzyldy.

«Atalǵan faktini Almaty qalasy Áýezov aýdanynyń polıtsııa basqarmasy tergep jatyr» dep málim etti qalalyq polıtsııa departamenti tergeý basqarmasynyń bastyǵy, polıtsııa podpolkovnıgi Oljas Sháripov.