Almatyda kólik ıesi men satyp alýshy HQO aldynda tóbelesken
ALMATY. QazAqparat - Almatyda Saıaly shaǵyn aýdanyndaǵy mamandandyrylǵan Halyqqa qyzmet kórsetý ortalyǵy janynda kólik ıesi men satyp alýshy arasynda tóbeles boldy. Olardyń vıdeosy áleýmettik jelige tarap ketken, dep habarlaıdy qazAqparat tilshisi.
Tóbelestiń vıdeosy áleýmettik jelide jarııalandy.
Qalalyq Polıtsııa Departamenti baspasóz qyzmeti bul derekti rastady.
«Kólik ıesi men satyp alýshy arasynda urys bolǵan. Arty tóbeleske ulasqan. Daýdyń sebebi anyqtalyp jatyr. Bul derek QR QK 293-baby boıynsha sotqa deıingi tergeý isi reestrine tirkeldi», - dedi polıtsııadan.
