Almatyda kólik bopsalaýmen aınalysyp júrgen qylmystyq top qolǵa tústi
ASTANA. Maýsymnyń 16-sy. QazAqparat /Aıdar Ospanalıev/ - Almatylyq tártip saqshylary aǵymdaǵy jyldyń mamyr aıynyń orta tusynda jas otbasynyń ókilderin qorqytyp, qymbat kólikterin minip ketken 4 adamnan turatyn qylmystyq topty qolǵa túsirdi.
Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti.
Onyń sózine qaraǵanda, top músheleri otbasynyń qymbat kóligin tartyp alǵandarymen qoımaı, olardy urlap áketip, jalǵa alynǵan páterde qamap ustap otyrǵan. Qaraqshylar otbasy múshelerinen
5 myń AQSh dollaryn bopsalamaq bolǵan. Al sáýir aıynyń sońynda jábirlenishýler qaraqshylarǵa 2 myń AQSh dollaryn berip, ózderiniń kólikterin qaıtaryp alǵan. «Osyǵan baılanysty júrgizilgen jedel-izdestirý sharalarynyń barysynda maýsymnyń 6-sy kúni «BMV» kóligi tabylyp, onyń ishinde Almaty oblysynyń Túrgen aýylynyń eki turǵyny otyrǵan. Budan arǵy sharalar barysynda polıtseıler qaraqshylyq toptyń ózge de múshelerin ustady. Olarǵa qazir Almaty qalasynyń mańynda qymbat kólikterdi tartyp alý sııaqty ózge de birqatar áreketterge qatysty degen kúdik keltirilip otyr», dedi departament bastyǵy.
