Almatyda kólik bank ǵımaratyna soǵylyp, kishkentaı balany qaǵa jazdady
ALMATY. QazAqparat – Almatyda bir-birine soǵylǵan eki kóliktiń biri bank ǵımaratyn qaǵyp toqtady, dep habarlaıdy QazAqparat tilshisi.
Jol apaty Abaı jáne Baıtursynov kósheleriniń qıylysynda bolǵan. Vıdeo áleýmettik jelide jarııalandy.
Beınekadrde kóliktiń arbadaǵy balany soǵyp kete jazdaǵany túsip qalǵan.
Bank qyzmetkerleri men klıentterinen eshkim japa shekpedi.
Polıtsııa departamentiniń málimdeýinshe, júrgizýshilerdiń biri kólik tizgininen aırylyp qalǵan.
Jol apatynan 2 jolaýshy jaraqat aldy.
«Olar aýrýhanaǵa jetkizildi. Tergeý isi aıasynda sot-medıtsınalyq saraptama taǵaıyndalǵan. Qazir bul istiń mán-jaıyn Bostandyq aýdandyq polıtsııa basqarmasy tekserip jatyr», - dedi PD.
