Almatyda kólik aınasyn urlaýmen aınalysqan top ustaldy
ALMATY. QazAqparat – Almatyda kólik aınasyn urlaýǵa mamandanǵan urylar toby ustaldy, dep habarlaıdy QazAqparat tilshisi.
«Bizdiń qyzmetkerler arnaıy jasaqtyń sarbazdarymen birge 32 jáne 21 jastaǵy eki jigitti ustady. Olar Almaty oblysynyń turǵyny. Jigitter qymbat kólikterden birneshe búıir aınany urlady degen kúdikke ilikti. Olar túnde, negizinen qalanyń ortalyq bóliginde urlyq jasaǵan. Sotqa deıingi tergeý barysynda ustalǵandar osyndaı bes urlyqqa qatysy bar ekendigi anyqtaldy. Bizdiń aýdanda tórt fakti oryn aldy. Taǵy bireýi – Medeý aýdanynda. Aıyptalýshylar qalanyń barlyq jerinde urlyq jasaǵan bolýy múmkin. Jańa epızodtardy anyqtaý aıaqatlamady», – dedi Almaly aýdandyq polıtsııa basqarmasy bastyǵynyń orynbasary Vladımır Reshetnıkov.
Onyń aıtýynsha, urlanǵan kólik aınasyn satý kanaldary anyqtalyp jatyr. Ustalǵandardyń biri buryn múlik urlaǵany úshin sottalǵan. Bul toptyń qansha ýaqyt jumys istegeni tolyq tekseriletin bolady.
