Almatyda kólik aınasyn urlaǵan 344 adam ustaldy
ALMATY. QazAqparat - Almatyda avtokólik aınasyn urlaý 2,5 esege qysqardy. Bul týraly qalalyq Polıtsııa Departamenti krımınaldy polıtsııa basqarmasynyń basshysy, polıtsııa podpolkovnıgi Esen Ysqaqov aıtty, dep habarlaıdy QazAqparat tilshisi.
Onyń aıtýynsha, bıylǵy 12 aıda bógdeniń múlkin urlaý kórsetkishi 2,9% -ǵa qysqarǵan.
«Ózgeniń múlkin urlaǵany úshin 6 213 adam ustalǵan. Urlyqpen aınalysqan 104 qylmystyq toptyń áreketi áshkerelenip, onyń ishinde 24 top tek páter urlaýmen aınalyssa, qalǵan 28-i kólik urlyǵymen, 46-cy urlyqtyń basqa túrimen aınalysqandyǵy belgili boldy», -dedi polıtsııa podpolkovnıgi.
Jalpy alǵanda, Almatyda tek avtokóliktiń aınalaryn urlaǵan 344 adam ustalǵan. Sondaı urylardyń biri, 37 jastaǵy er adamdy búgin quqyq qorǵaý ókilderi ustady. Ońaı aqsha tabýǵa mashyqtanǵan ol «Alǵabas» yqshamaýdanynda Nissan Cefiro markaly avtokóliginiń áınekterin urlamaq bolǵan.
