Almatyda kólik aınalaryn urlaý deregi 2,4% qysqardy - polıtsııa
ALMATY. QazAqparat - Almatyda qalalyq Polıtsııa departamentiniń basshysy Serik Kúdebaevtyń halyqpen esepti kezdesýi ótti, dep habarlaıdy QazAqparat tilshisi.
Polıtsııa basshysynyń aıtýynsha, úsh aıda qalada 16 206 qylmys tirkelgen. Onyń 1652-si áshkerelendi.
«Polıtsııa departamenti quqyq qorǵaý organdarynyń jumysyn jaqsartý maqsatynda keshendi sharalar uıymdastyryp otyr. 3 aıda páter tonaý - 41,3%-ǵa, urlyq - 2,1%-ǵa, uıaly telefon urlyǵy 24,8%-ǵa, qara jáne tústi metal urlyǵy - 31%-ǵa, kólik aınalaryn urlaý - 2,4%-ǵa, adam zorlaý qylmysynyń kórsetkishi 8,3%-ǵa tómendegen», - dedi Serik Kúdebaev.
Onyń aıtýynsha, 2018 jyly 6570 qylmys ashylǵan. Osy ýaqyt aralyǵynda Almaty polıtsııasy 4 myń qylmyskerdi ustap, 118 toptyń jumysyn áshkereledi.
