Almatyda kólik apatynan bolatyn ólim kórsetkishi azaıdy
ALMATY. QazAqparat - «Jol qozǵalysy qaýipsizdigi» júıesi engizilgeli beri Almatyda jol apaty kórsetkishi - 26%-ǵa, jaraqat alý kórsetkishi -20%-ǵa, adam ólimi 18%-ǵa azaıdy. Bul týraly QazAqparat tilshisine qalalyq Polıtsııa departamentinen habarlady.
«2013 jyldan beri «Jol qozǵalysy qaýipsizdigi» avtomattandyrylǵan aqparattyq júıesi jumys istep tur. Elbasynyń 2018 jylǵy halyqqa Joldaýyndaǵy 4-9 mindetterdi oryndaý maqsatynda aqparattyq beınerolık jasaldy», - dedi polıtsııa departamentinen.
Bul vıdeo qalalyq ákimdiktiń qoldaýymen halyqtyń tsıfrlandyrý, aqparattyq tehnologııalyq salasyndaǵy saýatyn arttyrý úshin túsirildi.
Bul joba halyqaralyq RoadScan tehnologııasyna negizdelgen.
«Jol qaýipsizdigin avtomattandyrý jol apatynyń azaıýyna, sybaılas jemqorlyqtyń aldyn alýǵa, quqyq qorǵaý organdaryna degen halyqtyń seniminiń artýyna, júrgizýshilerdiń tártibin jóndeýge septigin tıgizdi», - dedi Polıtsııa departamentinen.
