Almatyda kólik apatynan 3 jasóspirim zardap shekti
ALMATY. QazAqparat - Almatyda jalǵa beriletin kólik aǵashqa soǵylyp, kámeletke tolmaǵan úsh bala jaraqat aldy, dep habarlaıdy QazAqparat tilshisi.
Qalalyq polıtsııa departamentiniń baspasóz qyzmeti málim etkendeı, jol-kólik oqıǵasy 12 qańtarda túngi saǵat 23.00-de Alataý aýdanyndaǵy Sháripov kóshesinde boldy.
«Volkswagen Polo» kóliginiń júrgizýshisi 2001 jyly týǵan A. esimdi azamat rólge ıe bola almaı Sháripov kóshesimen ońtústik baǵytta, №154 úıge qarama-qarsy ósip turǵan aǵashqa soǵylǵan.
«Apatqa ushyraǵan kóliktiń ishinde otyrǵan úsh jolaýshy túrli dene jaraqatyn aldy. 2006, 2003 jáne 2001 jyly týǵan jasóspirimder qalanyń emdeý mekemelerine jetkizildi, dárigerlerdiń qaraýynan keıin balalar úılerine jiberildi. Materıaldy Alataý aýdandyq polıtsııa basqarmasy tekserip jatyr «, - dedi Alataý aýdandyq polıtsııa basqarmasynyń ókili Oljas Sháripov.
