Almatyda kólik apatynan 200-den astam jeke úı gazsyz qaldy
ALMATY. QazAqparat – Almatyda úlken júk kóligi gaz qubyry jelisin qaǵyp ketti, saldarynan 249 jeke úı gazsyz qaldy, dep habarlaıdy QazAqparat tilshisi.
«QazTransGaz» AQ baspasóz qyzmetiniń habaraýynsha, apat 23 qyrkúıek kúni Túrksib aýdanyndaǵy «Qaırat» yqshamaýdanynda boldy.
«KamAZ kóligi DÝ-108 mm ortasha qysymdy gaz qubyryna soǵyldy, nátıjesinde gaz jelisiniń L-5m zaqymdandy. Sondyqtan 249 turǵyn úıge beriletin qubyrlarǵa gaz jiberý toqtatyldy», -dep habarlady « QazTransGaz Aımaq « AQ baspasóz qyzmeti.
Jol-kólik oqıǵasyna qatysty aryz, Almaty qalalyq Polıtsııa departamentiniń jol polıtsııasyna berildi.
