Almatyda kólik apatynan 1 adam japa shekti
ALMATY. QazAqparat - Almatyda BMW kóligi jol apatyna ushyrap, 1 adam japa shekti, dep habarlaıdy QazAqparat tilshisi.
Jol oqıǵasy Súıinbaı kóshesinde bolǵan.
Atalǵan kóshemen soltústikke bet alyp kele jatqan BMW júrgizýshisi kenetten rólge ıe bola almaı qalǵan. Sonyń kesirinen kólik aınalyp kelip jol shetindegi aǵashtardy, jol belgilerin soǵyp baryp toqtaǵan.
Soqqydan artqy oryndyqta otyrǵan jolaýshy japa shekti. Qalǵan eki adam aýrýhanaǵa jatýdan bas tartty.
