Almatyda kólik apaty: Júrgizýshini TJD qyzmetkerleri alyp shyqty
ALMATY. QazAqparat - Almatyda Hyundai Accent kólik apatyna ushyrap, júrgizýshini qıraǵan kólikten TJD qyzmetkerleri alyp shyqty, dep habarlaıdy QazAqparat tilshisi.
Jol apaty ál-Farabı kóshesiniń boıynda bolǵan.
Batysqa baǵyt alyp bara jatqan Hyundai Accent júrgizýshisi rýlge ıe bola almaı qalǵan. Avtokólik aınalyp baryp trotýardan asyp túsken. Mashına sondaı-aq kóshege jaryq beretin shamnyń baǵanyn isten shyǵarǵan.
Júrgizýshi jigitti qıraǵan kólikten alyp shyǵý úshin TJD qyzmetkerleri atsalysty. Dárigerler ony aýrýhanaǵa alyp ketti. Onyń qolynda ashyq synyq jaraqaty bar.
