Almatyda kólik akkýmýlıatorlaryn urlaýmen aınalysqan qylmystyq top ustaldy
ALMATY. QazAqparat - Almaty polıtseıleri kólikterdiń akkýmýlıatorlaryn qrlaýmen aınalysyp júrgen bir top uryny ustady, dep habarlaıdy QazAqparat tilshisi.
Naýryzbaı aýdany polıtsııa basqarmasynyń málimetinshe, qylmystyq top músheleri 4 adamnan turady jáne olardyń barlyǵy Qazaqstannyń basqa aımaqtarynan kelgen. Olar ózderiniń jymysqy áreketterin kóbine qalanyń jekemenshik sektorynda júzege asyrǵan.
«Olar túnde úı qaqpalarynyń qasyna qoıylǵan jáne dabyl júıesi joq kólik quraldaryn izdeıtin bolǵan. Osy iske ábden mashyqtanǵan olar kólik akkýmýlıatorlaryn birneshe mınýttyń ishinde shyǵaryp alyp, izderin jasyrǵan. Degenmen olar olar ustaldy, qazir qamaýda otyr. Ustalǵan azamattyń árqaısynynyń qylmysty iske asyrýda qandaı ról atqarǵany tergeý kezinde anyqtalady», - dedi Naýryzbaı aýdandyq polıtsııa basqarmasynyń bastyǵy, polıtsııa podpolkovnıgi Dinmuhamed Áýelhan.
Budan basqa, qazirgi kezde ustalǵandardyń osyǵan uqsas 13 urlyqqa qatysy anyqtalǵan, bul epızodtar boıynsha aıǵaq dálelder alynyp, qylmystyq is materıaldaryna qatystyryldy. Polıtsııada sondaı-aq jedel bólimshe qyzmetkerleri basqa qylmystyq faktilerdi, sondaı-aq urlanǵan akkýmýlıatorlardy satý oryndaryn anyqtaýǵa baǵyttalǵan sharalaryn ótkizip júrgenin atap ótti.
Gúlzat Sahova
