Almatyda kólik aǵashqa soǵylyp, tórt adam zardap shekti
ALMATY. QazAqparat - Almatyda túnde bolǵan jol-kólik apaty saldarynan tórt adam zardap shekti, dep habarlaıdy QazAqparat tilshisi.
Qalalyq polıtsııa departamentiniń málimetinshe, jol-kólik oqıǵasy 17 maýsymǵa qaraǵan túni saǵat 03:20-da ál-Farabı dańǵylynyń boıynda bolǵan.
«Infiniti» kóligi ál-Farabı boıymen shyǵys baǵytta kele jatady. Hodjanov kóshesinen ótip bara jatyp, júrgizýshi róldi basqara almaı qalǵan. Avtokólik bordıýrdiń, aryqtyń ústinen ótip, sodan keıin bar jyldamdyqpen aǵashqa soǵyldy.
Jol-kólik oqıǵasy saldarynan atalǵan avtokóliktiń júrgizýshisi jáne onyń úsh jolaýshysy jaraqat aldy, olar Almaty qalasynyń ortalyq klınıkalyq aýrýhanasyna jetkizildi «, - dedi polıtsııa ókili Oljas Sháripov
QRQK 345-baby boıynsha sotqa deıingi tergeý bastaldy.
