Almatyda kólik aǵashqa soǵylyp, bir adam mert boldy
ALMATY. QazAqparat - Almatyda Chevrolet Cobalt kóligi aǵashqa soǵylyp, júrgizýshisi mert boldy, dep habarlaıdy QazAqparat tilshisi.
Qalalyq Polıtsııa departamentiniń dereginshe, jol-kólik oqıǵasy 31 qańtarda shamamen saǵat tańǵy saǵat 08:00-de Dostyq dańǵylynda bolǵan.
«Chevrolet Cobalt kóliginiń júrgizýshisi Dostyq dańǵylymen soltústik baǵytta ketip bara jatyp, rýlge ıe bola almaı aǵashqa soǵyldy. Alǵan jaraqatynan júrgizýshi qaza tapty»,- dedi Almaty qalasynyń PD Anyqtaý basqarmasynyń bastyǵy Oljas Sháripov.
Atalǵan derek Qazaqstan Respýblıkasy Qylmystyq kodeksiniń 345-babynyń 3-bóligi boıynsha sotqa deıingi tergep-tekserýdiń biryńǵaı tizilimine tirkeldi. Saraptamalar taǵaıyndaldy.
