Almatyda kóligimen gaz qubyry jelisin zaqymdaǵan júrgizýshige izdeý jarııalandy
ALMATY. QazAqparat - Almatyda kóliginiń róline ıe bola almaı gaz qubyry jelisin zaqymdaǵan jolaýshyǵa izdeý jarııalandy, dep habarlaıdy QazAqparat «QazTransGaz» AQ baspasóz qyzmetine silteme jasaı otyryp.
«16 qańtar kúni saǵat 17:20-17:30 aralyǵynda Qabanbaı men ıAblochnyı kósheleri qıylysynda jol-kólik apatynyń saldarynan gaz qubyry jelisi zaqymdandy. Sonyń kesirinen, Almaty qalasy Medeý aýdanyndaǵy 40 gazdy retteý qoraby men 1127 turǵyn úıge beriletin qubyrlarǵa gaz jiberý toqtatyldy. Jol-kólik apatynyń sebepkeri oqıǵa ornynan izin jasyrǵan. Oqıǵa saldarynan birneshe úı jylýsyz qaldy», delingen habarlamada.
Alaıda, sol kúni atalǵan ýchaskede jóndeý-qalpyna keltirý jumystary júrgizilip, turǵyndar qaıtadan gazben qamtamasyz etildi. Aıta keteıik, úzilissiz gazben qamtý úshin 16 qańtar kúni «QazTransGaz» AQ qyzmetkerleri jedel rejimde tún ortasyna deıin jumys júrgizdi.
Oǵan gaz qyzmetiniń 6 arnaıy brıgadasy 5 tehnıka jumyldyryldy.
Atalǵan kompanııa bul oqıǵanyń kýágerleri bolsa, 8727 2530207 baılanys nómirine habarlasýdy suraıdy.
