Almatyda kóligimen bógetke soǵylǵan er adam ajal qushty
ALMATY. 11 qarasha. QazAqparat - Almatyda kedergige kóligimen soǵylǵan 24 jastaǵy er adam mert boldy, dep habarlady qalanyń ІІD baspasóz qyzmetinen.
Ótken jeksenbi kúni tańǵy bes jarym kezinde Seıfýllın dańǵylymen soltústikke qaraı kele jatqan «Taıota Kamrı» avtokóliginiń júrgizýshisi Kramskıı kóshesinde qorshaýǵa soǵyldy. Bul jerde kárizdik jáne jylý júıesiniń jóndeý jumystary júrgizilip jatqan.
Soǵylýdyń saldarynan júrgizýshi oqıǵa ornynda jan tapsyrdy. Kóliktiń ishinde ol jalǵyz bolǵan. Keleńsiz jaǵdaıdy kózben kórgender júrgizýshini kóliktiń ishinen óz kúshterimen alyp shyqqan.Nebári birneshe sekýndtar ótkennen keıin kólik otqa oranǵan.
Qazir apattyń oryn alýyna sebep bolǵan jaǵdaı anyqtalyp jatyr. Keıbir málimetter boıynsha, jóndeý ýchaskesinde júrgizýshilerge arnalǵan eskertý belgileri bolǵan. Sot- medıtsınalyq, sot-avtotehnıkalyq saraptamalar belgilendi. ІІD tergeý basqarmasynda qyzmystyq is qozǵaldy. Tergeý bastaldy.
