Almatyda kóligimen adamdardy qaqqan kúdiktilerdiń birine sanktsııa merzimi uzartyldy
ALMATY. QazAqparat - Almatyda kóligimen qasaqana adam qaqqan kúdiktilerdiń birine qamaýda ustaý týraly sanktsııanyń merzimi uzartyldy, dep habarlaıdy QazAqparat tilshisi.
«Jandos Álikeevke qatysty sanktsııa 26 qarashaǵa deıin uzartyldy, - dep habarlady qalalyq sottan.
Buǵan deıin tergeý soty ony 26 tamyzdan 26 qazanǵa deıin, ıaǵnı eki aıǵa qamaýǵa alýdy uıǵarǵan bolatyn. Kúdikti – 24 jasta.
«Onyń inisi 1999 jyly týǵan Dinmuhamed Álikeev, ol da kúdikti, áli kúnge deıin qamaýda otyr. Qylmys bolǵan kezde ol «Toyota Avensis» kóligin basqarǵan. Onyń sanktsııasy 16 qarashaǵa deıin saqtalady», - dep tolyqtyrdy sottan.
Dinmuhamed Álikeev ekinshi kúdikti retinde 16 qyrkúıek kúni ustaldy. Ol Almaty oblysynyń aýmaǵynda polıtsııadan jasyrynyp júrgen. Sot ony eki aıǵa qamaýǵa alý týraly sheshim qabyldady.
Eske salaıyq, 26 tamyz kúni tańǵy saǵat 5-te Bostandyq aýdanyndaǵy Gagarın kóshesinde ózara janjaldan keıin bir taraptyń ókilderi óz qarsylastaryn avtomobılmen qaǵyp, qylmys ornynan boı tasalaǵan bolatyn. Oqıǵa vıdeosy áleýmettik jelide tarap, keıin polıtsııa tolyq aqparat taratty.
Polıtsııa adamdardy qaqqan kólikterdi taýyp, tárkiledi. Eki kólik QR QK-niń 24-baby 3-bóligi jáne 99-babynyń 2-bóligi boıynsha qozǵalǵan qylmystyq is materıaldaryna aıǵaqzattar retinde tirkeldi.
Odan ári ustalǵan kúdiktiler aǵaıyndy ekeni anyqtalyp, olardyń anasy uldarynyń mundaı qadamǵa ózderin qorǵaý úshin barǵanyn alǵa tartty.
Dárigerler zardap shekken úsh adamnyń jaǵdaıy týraly aıtty.
