Almatyda kólge batyp bara jatqan jasóspirim qutqaryldy
ALMATY. QazAqparat – TJD qyzmetkerleri, 109 qutqarý qyzmetteri, polıtseıler men eriktiler Almatynyń sý qoımalaryndaǵy qaýipsizdikti qamtamasyz etýde, dep habarlaıdy QazAqparat tilshisi.
«18 shilde kúni saǵat keshki 17-de 16 jastaǵy R. esimdi jasóspirim týystarymen Saıran kólinde demalyp jatqan kezinde onyń jaǵajaıǵa arnalǵan shárkesin tolqyn 15 metrge alyp ketedi. Jasóspirim aıaq kimin almaq bolyp dereý sýǵa túsken. Biraz ýaqyttan soń sý tereńdep, tunshyǵa bastaıdy. Osy kezde jaǵajaıdaǵy qutqarýshylar bozbalanyń batyp bara jatqanyn kórip, qutqarý sheńberin laqtyrý arqyly der kezinde kómek kórsetedi. Olar batyp ketý aldynda turǵan jigitti aman-esen jaǵajaıǵa shyǵaryp, ata-anasyna tabystaıdy. Abyroı Qýanyshqa oraı, medıtsınalyq kómek qajet bolmady», - dep málim etti Almaty qalalyq TJD.
Sý qoımalarynda demalyp jatqan adamdar qarapaıym qaýipsizdik talaptaryn saqtamaıdy. Keıde mundaı áreketter qaıǵyǵa soqtyryp jatady. Sondaı jaǵdaılardyń aldyn alý úshin TJD men PD qyzmetkerleri, eriktiler men 109 qyzmetiniń qutqarýshylary qaladaǵy sý qoımalaryn kúzetýde.
