Almatyda kóleńkeli ekonomıkanyń múmkindikteri men táýekelderi týraly konferentsııa ótip jatyr
ALMATY. 31 shilde. QazAqparat - Kóleńkeli ekonomıka qoǵamda qalypty jaǵdaıǵa aınalyp bara jatyr.
Bul týraly búgin Almatyda ótip jatqan «Kóleńkeli ekonomıka jáne kóshedegi bazar: múmkindikteri men áleýmettik-saıası jáne ekonomıkalyq táýekelderi» dep atalatyn konferentsııada aıtyldy.
Ony uıymdastyrǵan «Exclusive» sholýshy-taldaý jýrnaly men Frıdrıh Ebert qory. Bul sharaǵa QR Ekonomıkalyq damý jáne saýda mınıstrliginiń, Keden, Salyq komıtetteri men qalalyq bazarlardyń, iri reteıl kompanııalardyń ókilderi jáne táýelsiz sarapshylar qatysýda.
«Áleýmettik damýda bul taqyryp óte qyzyq. Janbaǵys qamymen ózin-ózi jumyspen qamtamasyz etip júrgender úshin bul kúnkóris kózi bolsa, memleket úshin bul tıimsiz bolýda. Sondyqtan ózara túsinbestik týyndaýda. Al radıkaldy qadamdar taraptardyń qyzyǵýshylyǵyna qaıshy kelýde. Bul konferentsııa aqparattyq pikirtalas arqyly tyǵyryqtan shyǵar joldy tabýǵa arnalyp otyr», - deıdi Frıdrıh Ebert qorynyń Ortalyq Azııa men Qazaqstandaǵy joba-úılestirýshisi Per Teshendorf. Al «Exclusive» sholýshy-taldaý jýrnalynyń shef-redaktory Qarlyǵash Ejenovanyń aıtýynsha, kóleńkeli ekonomıka týraly bazar qaýymdastyǵy ókilderi men memlekettik atqarý organdary arasynda pikir alshaqtyǵy týyndap otyr. Ár tarap óz quqyǵy buzylyp jatyr dep sanaıdy.
