Almatyda «Qoldanbaly pıramıda» boıynsha bılıardtan áıelder men erler arasynda 32-shi Qazaqstan chempıonaty aıaqtaldy

25 qańtar kúni jalaýyn kótergen sporttyq dodaǵa Aqtaý, Atyraý, Aqtóbe, Almaty, Baıqońyr, Qaraǵandy, Qostanaı, Qyzylorda, Pavlodar, Semeı, Taraz, Túrkistan, Óskemen, Shý jáne Shymkent qalalarynan 128 er sportshy men áıelder arasynda 16 adam synǵa tústi.

Atalǵan chempıonattyń qorytyndysy boıynsha áıelder arasynda almatylyq sport sheberi Anel Bekbosynova birinshi oryndy jeńip aldy. Al ekinshi oryndy tarazdyq Araı Báıimbetova, úshinshi oryndy qyzylordalyq Saltanat Mahanova aldy.

Erler arasynda chempıondyq ataqqa aqtyq syńynda Maksım Pandy 5:1 esebimen oısyrata jeńgen astanalyq Qýanysh Abpasov laıyq dep tanyldy. Ekinshi orynda Maksım Pan, úshinshi oryndy almatylyq Emıl Mýdarısov pen Aıdos Týǵanbaev bólisti.

Jarysty uıymdastyrýshylardyń aıtýynsha, ótken chempıonattyń nátıjesinde Qazaqstan quramasy jasaqtaldy, olar aǵymdaǵy jyldyń 21-24 aqpanynda Almatyda ótetin Álem chempıonatyna qatysady. Bul elimizde dástúrli túrde ótetin 5-Álem chempıonaty bolmaq.