Almatyda qoldanbaly óner sheberleriniń halyqaralyq kórmesi ótip jatyr
ALMATY. 27 sáýir. QazAqparat - Keshe Almatyda QR Memlekettik mýzeıinde qoldanbaly ónerdiń belgili sheberleriniń qatysýymen «Shyǵarmashylyq maýsym» dep atalatyn halyqaralyq kórme ashyldy.
Oǵan Qazaqstan, Reseı, Qyrǵyzstan, Ózbekstan, Germanııa, Ýkraına jáne Úndistan elderiniń qolóner buıymdaryn jasaıtyn fırmalar men 300-den astam sheberler qatysýda. Onda beıneleý jáne qoldanbaly ónerdiń ártúrli janrlary tolyq qamtylǵan. Bular qazirgi zaman sýretshi-qýyrshaq jasaýshylarynyń avtorlyq jumystary - polımer jáne tez qatatyn ıilgish plastıkterden, kıizden jasalǵan ónimder qoıylǵan, sondaı-aq, zergerlik buıymdary, shyǵys mınıatıýrasy, kıiz jáne jibek buıymdary, keste, monshaq, qysh jáne taǵy basqa syılyqtar men kádesyı ónimderi.
Jalpy Ortalyq Azııadaǵy eń iri qolóner kórmesi bolyp tabylatyn bul shara 5 kúnge sozylmaq. Onda Qýyrshaqtar men teddı qonjyqtarynyń «Kollektsııalyq qýyrshaqtar» II Halyqaralyq salony, Hobbı, shyǵarmashylyq jáne qolóner jumystarynyń «Qolóner jumystary» III Halyqaralyq kórmesi, «Monshaqty ertegi» I Halyqaralyq baıqaýy, Qýyrshaq jasaýshylardyń jeke kórmeleri men Qalpaqtar sán defılesi ótedi.
