Almatyda qol sómke urlaýshy quryqtaldy
ALMATY. Aqpannyń 24-i. QazAqparat /Ádilet Musahaev/ - Almaty sholǵynshy polıtseıleri kezekti qol sómke urlaýshyny quryqtady,
dep habarlaıdy QazAqparat ІІB baspasóz qyzmetine silteme jasap.
Qazirgi tańda kóptegen názik jandylar osyndaı urlyqtyń qurbanyna aınalýda. Avtokóligi bar áıelder kerekti zattaryn alýǵa ynǵaıly bolǵandyqtan qol sómkelerin kóbine aldyńǵy otyrǵyshqa qoıady. Buny urylar paıdalanyp ketýde. Kólik baǵdarshamǵa toqtaǵanda, oǵan belgisiz bireý júgirip kelip, terezesin syndyryp nemese esigin ashyp ishindegi sómkesin tartyp alyp, boı tasalaıtyn jaǵdaılar jıi kezdesedi.
45 jasar Elena osyndaı oqıǵanyń kezekti qurbany boldy. Jýyrda keshki saǵat altylar shamasynda óz kóligimen jumystan qaıtyp kele jatqan Elenanyń esigin ashyp, qol sómkesin jymqyryp ketken.
Elena bolǵan jaıtty dereý polıtsııaǵa málimdegen. Arada 3 mınýt ótkende sholǵynshy polıtsııalar qylmys bolǵan jerdi torýyldap, urylyardy izdestirý jumystaryna kirisedi. Birneshe mınýt ótken soń ury kisendeldi. Áıel uryny tanyp, joǵalǵan zattaryn túgendegen.
Jeńil jolmen pıda tappaq bolǵan 35 jastaǵy Andreı atty azamat bolyp shyqty. Tergeýshiler onyń osyndaı taǵy da 10 shaqty iske qatysy bolýyn aıtýda. Qazir onyń isi jaıynda barlyq polıtsııa bólimshelerinen tekserý jumystary júrgizilýde.
