Almatyda qoqys úıindileriniń astynan er adamnyń denesi tabyldy
ALMATY. QazAqparat - Almatydaǵy «109» qyzmetiniń qutqarýshylary qoqys úıindileriniń astynan er adamnyń denesin alyp shyqty, dep habarlaıdy QazAqparat tilshisi.
11 aqpan kúni saǵat14:50-de Almaty qalasy qutqarý qyzmetiniń basqarý pýltine kómekke shaqyrǵan qońyraý tústi.
«Qońyraý shalýshy jer qazý jumystary kezinde Alataý aýdanynda ornalasqan «Kenjehan» bazarynyń artyndaǵy qoqys úıindisiniń astynda er adamnyń qalyp qoıǵany týraly aıtty. Oqıǵa ornyna jedel túrde 12 adamnan turatyn «109» qutqarýshylar toby jáne eki kınologııalyq ekıpaj attandy. Oqıǵa ornyna jetken qutqarýshylar izdeý-qutqarý jumystaryn júrgize bastady. Qutqarý jumystary kezinde er adamnyń denesi tabyldy, ol úıindi astynan shyǵarylyp, polıtsııa men jedel járdem qyzmetkerlerine tapsyryldy»,- dep habarlady qalanyń qutqarý qyzmeti.
