Almatyda qoqys tasıtyn kólik júrgizýshisi blokposttan adam alyp ótpek boldy
ALMATY. QazAqparat – Almatyda blokpostan adam ótkizbek bolǵan qoqys tasıtyn kólik júrgizýshisi ustaldy, dep habarlaıdy QazAqparat tilshisi.
Almaty qalalyq PD habarlaýynshy, túngi saǵat eki shamasynda Aqyn Sara men Aqsaı kósheleriniń qıylysynda ornalasqan №7 baqylaý-ótkizý pýnktinde 1994 jyly týǵan L.esimdi azamattyń basqarýymen qoqys tasıtyn kólik quraly tekserildi, anyqtalǵandaı, kólikte jolaýshy retinde Almaty oblysynyń 19 jastaǵy turǵyny bolǵan.
«Júrgizýshi muny aqshalaı syıaqy úshin jasady. Alaıda, áreket sátsiz aıaqtaldy. Olar ustaldy. Qazirgi ýaqytta júrgizýshige de, onyń jolaýshysyna da qatysty QR ÁQbK-niń 476-baby boıynsha quqyq buzýshylyq negizinde ákimshilik is qozǵaldy. Azamattarǵa taǵy da tótenshe jaǵdaı erejelerin qatań saqtaýdy eskertý qajet. Bul normalardy elemegenderge, kem degende 10 AEK mólsherinde aıyppul, eń kóbi 15 táýlikke ákimshilik qamaýǵa alynady», - deıdi Alataý aýdandyq polıtsııa basqarmasynyń bastyǵy Ulan Ábilqaıyr.
