Almatyda qoqys tasıtyn kólik órtenip ketti
ALMATY. QazAqparat - Almatyda janar-jaǵarmaı stansasynda qoqys tasıtyn kólik janyp ketti. Órt Soltústk aınalma jol jol aýdanynda «Metro» dúkeni mańynda boldy, dep habarlaıdy QazAqparat tilshisi oqıǵa ornynan.
Aldyn ala jasalǵan boljam boıynsha, órtke elektr júıesiniń aqaýy sebep bolǵan. Biraq naqty sebebin ІІD-i anyqtaıdy. Qoqys tasıtyn kólik júrgizýshisi zardap shekpegen, dárigerlerdiń kómegine júginýden bas tartqan.
Qalalyq Tótenshe jaǵdaılar departamenti 101 qyzmetine órt týraly habar saǵat 20:34-te túskenin aıtty.
«Órt týraly habardan keıin, 5 mınýttan soń 20:39-da órt sóndirýshiler oqıǵa ornynda boldy. FAW markaly qoqys tasıtyn kóligi órtenip jatqany týraly aqparat rastaldy. Órt aýmaǵy 15 sharshy metr. Jalyn saǵat 20.46-da aýyzdyqtalyp, 21.03-te sóndirildi», - dedi TJD ókili Sandýǵash Baımuhambetova.
