Almatyda qoqys tasıtyn kólik aýdaryldy
Almaty. QazAqparat - Almatyda qoqys tasıtyn kóliktiń aýdarylýynyń saldarynan ózge 4 jeńil kólik zaqymdandy, dep habarlaıdy QazAqparat tilshisi.
Kólik apaty Nazarbaev dańǵyly men Sátbaev kósheleriniń qıylysyndaǵy úı aýlasynda boldy.
Kamaz markaly júk kóligi júrgizýshisiniń aıtýynsha, ol aýladan qoqysty alyp ketýge kelgen. Aýlaǵa kirýge oǵan turaqtaǵy kólikter kedergi bolǵan. Júrgizýshi joldy ashýdy suraý úshin kóliginen túsken mezette, Kamaz tómenge qaraı óz ekpinimen júrip ketken. Nátıjesinde qoqys kóligi aýdarylyp, taǵy 4 kólik zaqymdanǵan.
Kólik apatynan zardap shekken azamattar joq. Turaqtaǵy kólikterdiń zaqymdanǵanyn ıeleri keıinnen bildi.
