Almatyda qoqys polıgony órtenip jatyr
ALMATY. QazAqparat - Almatyda Jetisý aýdanyna qarasty «Kókjıek» shaǵyn aýdanynda, mine, osymen ekinshi kúni qoqys polıgony órtenip jatyr. Bul týraly qalalyq TJD baspasóz qyzmetinen habarlady.
Quzyrly organnyń málimetinshe, órt jaıly habarlama keshe keshki 20.30-da kezekshi pýltine kelip túsken.
«Aldyn-ala boljam boıynsha órt kurǵaq shóptiń tutanýy saldarynan bolǵan. Jalyn 50 sharshy metr jerdi sharpydy. Oqıǵa ornynda №12 órt sóndirý brıgadasynyń jeke quramy jumys isteýde», - delingen habarlamada. Tótenshe jaǵdaıdan japa shekkender jaıly aqparat túsken joq.
