Almatyda qoqys óńdeıtin jańa keshen iske qosylady
ALMATY. QazAqparat - Almatyda 1 qyrkúıekte qoqys óńdeıtin jańa keshen ashylady, dep habarlaıdy QazAqparat tilshisi.
«2017 jyly jeltoqsanda memlekettik-jeke menshik áriptestik aıasynda Almatyda qatty turmystyq qaldyqtardy basqarý jobasyn iske asyrý týraly kelisimge qol qoıyldy », - dedi qalalyq tabıǵı resýrstar men tabıǵat paıdalanýdy retteý basqarmasynyń basshysy Áset Masabaev.
Onyń aıtýynsha, joba aıasynda qoqysty bólek jınaý, qoqysty qaıta óńdeýdi kezeń-kezeńimen engizý josparlanyp otyr.
Keshenniń ózi Alataý aýdanynda ornalasqan.
«Qazirgi tańda qurylys jumystary kúntizbelik kesteden qalyp qoıdy. Admınıstrator memlekettik-jeke menshik áriptestik aıasynda belgilengen ýaqytta ınjenerlik jelilerdi júrgizip bitire almady. Osyǵan baılanysty memlekettik satyp alý konkýrsy eki ret ótti. Sondyqtan, qoqys óńdeý zaýytyn paıdalanýǵa berý ýaqyty 1 qyrkúıekke qaldyryldy», - dedi Á.Masabaev.
