Almatyda Kóktóbeden órt shyqty

ALMATY. QazAqparat - Almatyda taý baýraıyndaǵy tabıǵı órt toqtar emes. Endi Kóktóbe saıabaǵy mańynda qýraǵan shóp janyp jatyr, dep habarlaıdy QazAqparat tilshisi.

Áleýmettik jelide órttiń vıdeosy tarap jatyr.

Almaty qalalyq Tótenshe jaǵdaılar departamentiniń «101» pýltine saǵat 18:58-de Medeý aýdany, Jánibekov kóshesi, 78 mekenjaıy boıynsha órt shyqqan týraly habarlama tústi.

«Tutanǵan tabıǵı órtti sóndirýge órt sóndirýshiler joǵary dárejedegi shaqyrtýmen jiberildi», - dep habarlady vedomstvodan.

Aıta keteıik, budan bólek, búgin tańǵy saǵat 11:08 shamasynda Medeý aýdanyndaǵy taý bókterinde qýraǵan shóp jana bastaǵan bolatyn.

Al Keńsaı zıraty aýmaǵynda tutanǵan tabıǵı órtti sóndirýmen qazir 100-den astam adam aınalysyp jatyr.

Vıdeodan alyn ǵ an kadr