Almatyda «Kóktóbe» telemunarasy mańynan eki myltyq tabyldy

ALMATY. QazAqparat - Almatyda «Quqyqtyq tártip» jedel aldyn alý is-sharasy barysynda «Kók-tóbe» telemunarasynyń mańynda butalardyń arasynan tegis uńǵyly eki myltyq tabyldy, dep habarlaıdy QazAqparat tilshisi.

Medeý aýdandyq polıtsııa basqarmasynyń bastyǵy Dáýren Ótebaevtyń aıtýynsha, kınolog- ınspektor qyzmettik-izdestirý ıtimen birge telemunaranyń tóńiregin tekseredi.

«Olar butalardyń arasynan eki myltyq tapty. Tabylǵan zatty tergeý-jedel toby tárkilep, qarýdyń shyǵý tegi men ıesin anyqtaý maqsatynda sot-ballıstıkalyq saraptamaǵa jiberildi. Jappaı tártipsizdikter kezinde urlanyp, qylmystyq maqsatqa paıdalanylǵan bolýy da múmkin», – dedi Dáýren Ótebaev.

Sondaı-aq ol zańsyz qarý saqtaǵan azamattarǵa olardy polıtsııaǵa óz erkimen tapsyrýǵa múmkindik beriletinin jáne qarý men oq-dárilerdi tapsyrǵan adamdar, eger olardyń qylmys jasaýǵa qatystylyǵy anyqtalmasa, qylmystyq jaýapkershilikten bosatylatynyn eske saldy.