Almatyda «Kóktóbe Opera -2019» ashyq aspan astyndaǵy mýzyka keshi ótedi
ALMATY. QazAqparat - Almatyda mańyzdy mádenı sharalardyń birine aınalǵan «Kóktóbe Opera - 2019» festıvali bıyl 4-shi ret ótedi, dep habarlaıdy QazAqparat tilshisi.
«Kóktóbe Opera – Almatydaǵy eń aıshyqty mádenı sharalardyń biri. Mýzyka festıvalinde QR Memlekettik akademııalyq sımfonııalyq orkestirdiń súıemeldeýimen elimizdiń opera jáne balet juldyzdary álemniń klassıkalyq eń úzdik týyndylaryn oryndaıdy. Opera janrynyń talǵampaz tyńdarmany bul keshte festıvaldiń basty qonaǵy Ivan Defabıanıdiń ónerin tamashalaıdy.
Bıylǵy festıval qala kúnine tartý retinde arnaıy uıymdastyrylyp otyr.
Kesh Kóktóbede 24 tamyz kúni saǵat 20.00-de bastalady.
Dırıjer – Qazaqstannyń eńbek sińirgen qaıratkeri Alan Bóribaev.
