Almatyda «Kóktóbe» aspaly joly ashyldy

ALMATY. QazAqparat- Búgin Almatyda «Kóktóbe» aspaly joly ashyldy. Onyń ashylý rásimine qala ákimi Baýyrjan Baıbek qatysty.

Esterińizge sala ketelik, aspaly jol 2014 jyly jabylyp, onda kúni búginge deıin kúrdeli jóndeý jáne qaıta jabdyqtaý jumystary júrgizilgen bolatyn.

Endi aspaly jolda 8 adam sııatyn 17 jaıly kabınalar jumys isteıtin bolady. Jańa jabdyqtar Frantsııadan jetkizilgen.

Jańa aspaly joldyń uzyndyǵy - 1620 metrdi quraıdy. Ótkizý múmkindigi - saǵatyna 750 adam. Tómengi stansadan joǵarǵy stansaǵa deıin júrip ótý ýaqyty - 5 mınýt. Bir baǵyttyń bılet quny - 1000 teńge.

Sondaı-aq, Kóktóbedegi kózben sholý dońǵalaǵy da paıdalanýǵa búgin berildi. Onyń dıametri - 30 metr. Syıymdylyǵy - 120 adam. Onda 20 jabyq kabınalar ornatylǵan. 8 mınýtqa sozylatyn bir aınalymda búkil qalany tamashalap úlgerýge bolady.