Almatyda kóktemnen beri 177 adamdy kene shaqqan
ASTANA. QazAqparat - Almatyda kóktem shyqqaly beri 177 adamdy kene shaqqan. Onyń 103-i bala, dep habarlaıdy Habar 24 telearnasy.
Bul kórsetkish ótken jylmen salystyrǵanda áldeqaıda az. 2016 jyly 730 kene shaqqan adam dárigerler kómegine júgingen bolatyn. Onyń 340-y 14 jasqa deıingi balalar.
«Ázirge kene ıntsefalıtymen aýyrǵandar tirkelgen joq», - deıdi dárigerler. Ótken jyly mundaı aýrý 12 adamnyń aǵzasynan anyqtalyp, qajetti em jasalypty. Qazirgi ýaqytta qala men taýyly aımaqtarda kenege qarsy jumystar qolǵa alyndy. ıAǵnı Almaarasan shatqaly, Medeý mańy, qaladaǵy halyq demalatyn oryndar dárilenip jatyr. Al tabıǵat aıasyna shyǵýda josparlaǵandar bolsa arnaıy ekpe saldyrýy kerek.
«Kimde kim bul vaktsınatsııany alyp úlgermese, jedel kestemen alýǵa bolady. Bul eki týrdyń arasy eki aptaǵa deıin qysqartylady. Tabıǵat aıasyna shyqpastan eki apta buryn vaktsınatsııa júrgizilýi tıis», deıdi qalalyq Densaýlyq saqtaý departamentiniń bas mamany Bıbigúl Nurǵalıeva.
Aıta keterligi, sáýir aıynyń basynda sanıtarlyq dárigerler maýsym aıynyń alǵashqy jartysynan qyrkúıekke deıin ulasatyn kene entsefalıti epıdemıologııalyq maýsymynyń bastalǵanyn eskertken bolatyn .
