Almatyda kóktemgi deratızatsııa maýsymy bastaldy

ALMATY. QazAqparat – Almatyda kemirgishtermen kúres boıynsha kezekti naýqan bastalady. Deratızatsııa qalanyń 47 myń gektardan astam aýmaǵynda júrgiziledi, dep habarlaıdy QazAqparat tilshisi.

Qala ákimdigi baspasóz qyzmetiniń habarlaýynsha, saıabaqtar, skverler, ózen jaǵalaýlary, sý qoımalary, aryq naýalary, konteınerlik alańdar óndeledi.

«Deratızatsııalyq óńdeýge mamandandyrylǵan dárigerler men arnaıy tehnıka jumyldyrylady. Jeke sektordyń turǵyndary arnaıy ýly hımıkattardy tegin alatyn bolady. Kemirgishterdi joıý jónindegi kompanııaǵa kásipkerlik nysandar da qatysady»,– dep habarlaıdy ákimdik.

Budan basqa, tótenshe jaǵdaı men karantındi eskere otyryp, aldyn ala óńdeýmen shamamen 3,5 myń saýda oryndary men ónerkásip kásiporyndary, 500-den astam bilim berý obektileri men densaýlyq saqtaý mekemeleri, onyń ishinde aýrýhanalar, emhanalar, mektepter men balabaqshalar, metro, vokzaldar men stadıondar qamtylady.

Almatyda jyl saıyn 2 kezeńmen ótkiziletin deratızatsııa kemirgishter sanyn azaıtý, sondaı-aq asa qaýipti juqpaly jáne ınvazııalyq aýrýlardyń taralýynyń aldyn alý úshin qajet.

Aýdandarda deratızatsııalyq jumystardy júrgizý kestesi:

Naýryzbaı aýdany 24.04.2020 bastap 28.04.20 deıin

Bostandyq aýdany 29.04.2020 bastap 03.05.2020 deıin

Medeý aýdany 04.05.2020 bastap 10.05.2020 deıin

Alataý aýdany 11.05.2020 bastap 18.05.2020 deıin

Aýezov aýdany 19.05.2020 bastap 20.05.2020 deıin

Almaly aýdany 21.05.2020 bastap 22.05.2020 deıin

Jetisý aýdany 23.05.2020 bastap 26.05.2020 deıin

Túrksib aýdany 27.05.2020 bastap 31.05.2020 deıin

Kelesi kezeń kúzge josparlanǵan.