Almatyda kóktaıǵaqqa qarsy 64 tonna qum sebildi
ALMATY. QazAqparat - Almaty kóshelerinde kóktaıǵaqtyń aldyn alý maqsatynda kommýnaldyq qyzmet ókilderi 64 tonna qum men tuz qospasyn seýip shyqty, dep habarlaıdy QazAqparat tilshisi.
Almaty ákimdiginiń baspasóz qyzmeti habarlaǵandaı, qalada túngi 03:00-der shamasynda jaýynnyń arty qarǵa ulasa bastaǵan.
Qalanyń ishine jaýǵan qardyń qalyńdyǵy tobyqtan aspasa, taýly aımaqtardaǵy qar qalyńdyǵy 10 sm-ge jetken.
Qalanyń kommýnaldy qyzmetteri kóktaıǵaqtyń aldyn alý maqsatynda qala kóshelerine 64 tonna qum men tuz qospasyn seýip shyqty.
Shahardaǵy qardy tazalaýǵa 411 tehnıka men 1416 jumysker jumyldyryldy.
Osyǵan deıin Qazaqstannyń basym bóliginde jel kúsheıip, kóktaıǵaq bolatyndyǵy habarlanǵan.
