Almatyda kóktaıǵaqqa qarsy 1 300 tonna qum sebildi

ALMATY. QazAqparat - Almaty kóshelerinde kóktaıǵaqtyń aldyn alý maqsatynda kommýnaldyq qyzmet ókilderi 1300 tonna qum men tuz qospasyn seýip shyqty, dep habarlaıdy QazAqparat tilshisi.

Almaty ákimdiginiń baspasóz qyzmeti habarlaǵandaı, qalada túngi 02:00-ler shamasynda ylǵal qar jaýa bastady. Qalanyń ishine jaýǵan qardyń qalyńdyǵy 5 sm.

Qalanyń kommýnaldy qyzmetteri kóktaıǵaqtyń aldyn alý maqsatynda qala kóshelerine 1 300 tonna qum men tuz qospasyn seýip shyqty. Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, ortaq paıdalaný oryndaryn tazalaý boıynsha jumystar uıymdastyryldy.

Qardy tazalaýǵa 526 tehnıka, onyń ishinde 195 qumshashqysh jáne 1 340 jol jumysshysy jumyldyryldy.

Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.

Qazgıdromettiń boljamy boıynsha qar aralas jaýyn tústen keıin toqtaıdy. Aýa temperatýrasy búgin kúndiz 0, -2 gradýs.