Almatyda kókónis satatyn dúńgirshek órtendi
ALMATY. QazAqparat – Almaty qalasynda kókónis satatyn dúńgirshek órtendi. Jalyn jabyq avtokólik turaǵyn sharpydy, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń baspasóz qyzmetinen málim etkendeı, 19 qarasha kúni tańǵy saǵat 06:58-de Áýezov aýdany «Aqsaı-4» yqshamaýdanyndaǵy №17 úıdiń mańaıynda órt shyqqany týraly habarlama túsken.
«Órt sóndirýshiler oqıǵa ornyna 7 mınýtta jetti. Mamandar avtoturaqtyń aýmaǵynda ornalasqan kókónis satatyn dúńgirshektiń janyp jatqanyn anyqtady. Qyzyl jalyn úımen japsarlas salynǵan jabyq avtokólik turaǵyndaǵy 2 kólik pen shatyryna taralyp úlgergen. Órt «Nıssan Premera» avtokóliginiń aldyńǵy áınegin sharpyǵan»,– delingen Tótenshe jaǵdaılar departamenti taratqan aqparatta.
Ottyń taralýy 24 mınýtta oqshaýlandyrylyp, 07: 36 mınýtta tolyqtaı sóndirildi.
Zardap shekkender joq.
