Almatyda «Kók týdyń jelbiregeni - Elbasynyń eren eńbegi» dep atalatyn kórme ashylady

ALMATY. 1 jeltoqsan. QazAqparat - Búgin Almatyda qala turǵyndary men qonaqtary QR Tuńǵysh Prezıdent kúnin Respýblıka saraıyndaǵy «Kók týdyń jelbiregeni - Elbasynyń eren eńbegi» kórme ashylady.

Ony mádenıet basqarmasy bıyl alǵash ret atap ótilgeli jatqan merekege oraı  uıymdastyryp otyr.

Kórme KSRO  kúıregennen keıin jeriniń tutastyǵyn saqtaı otyryp, eldiń irgesin sókpeı, tatýlyq pen birlikti, dostyq pen syılastyqty tý etip kóterip, táýelsizdigi baıandy, jasampaz Qazaqstan memleketin qura bilgen Tuńǵysh Prezıdentimizge arnalǵan. Onda Almaty qalasy tarıhynyń mýzeıi qorynan alynǵan biregeı fotosýretter qoıylmaq. Kórmede táýelsiz memleketimizdiń qalyptasýy, nyǵaıýy men damý joly jan-jaqty kórinis tabady. Sonymen qatar, bul kórmege osy taqyrypta jaryq kórgen kitaptar toptamasy da qoıylmaq.