Almatyda Kók bazar mańyndaǵy avtoturaq quny qymbattady
ALMATY. QazAqparat – Almatyda Kók bazar mańynda saralanǵan tarıf engiziletin bolady, dep habarlaıdy QazAqparat tilshisi.
«2021 jyldan bastap № 1501 aımaǵynda saralanǵan tarıf iske qosylady. Kókbazardyń mańynda 1 saǵat turaq quny 150 teńge bolmaq. Bul ózgerister tek sol bazar mańyndaǵy 317 turaq ornyna baılanysty», - delingen «Almaty parkıng» JShS resmı paraqshasynda.
Mundaı tarıf turaqtardyń tolýyn retteýge septigin tıgizedi.
Turaqqa suranys kóp bolǵan saıyn baǵasy qymbat bolady. Bul tásil turaq ornynyń qoljetimdiligin 10-20%-ǵa arttyrady.
Kompanııa ókilderi nelikten Kók bazar mańynda saralanǵan tarıf engizilip jatqanyn túsindirdi.
«2020 jyly bazar mańyndaǵy turaqtardyń basqa jerdegi turaqtarmen salystyrǵanda 2 ese kóp ýaqyt alatyny anyqtaldy. Bul jerde 1 orynda kúnine 2,6 kólik turady eken. 2017 jyly kúnine 7 kólik aınalatyn. Qym-qýyt sátterde avtoturaq 100 paıyzǵa paıdalanylady. Bul sol jerde turatyn adamdarǵa da yńǵaısyz ári kólik ıeleri oryn izdep aınalyp júrgen kezde keptelis týdyrady», - dedi kompanııadan.
Júrgizilgen taldaýǵa sáıkes, turaq aqysynyń kóterilýi bazar kelýshilerine kóp yqpal etpeıdi. Sebebi, kelýshiler az ýaqytqa kelip ketedi. Al bazar mańyna bir kúnge kóligin qaldyratyndarǵa bul tıimsiz bolmaq.
Al qalanyń basqa aımaqtarynda turaq aqysy saǵatyna 100 teńge.
