Almatyda kógershinder kórmesi ótti
ALMATY. Jeltoqsannyń 21-i. QazAqparat /Ernar Beken/ - Almatyda kógershin qustarynyń alýan túri halyq nazaryna keńinen usynyldy.
Túrkisib aýdany ákimdiginiń qoldaýymen bul kórmede beıbitshilik rámizine aınalǵan qustyń frantsýzdyq buıra bas, aǵylshyn kógershini, eki tústi ózbek kógershini jáne basqa da sırek kezdesetin túrleri qoıyldy.
Kógershin ósirýshilerdiń aıtýynsha, qusty baǵýmen aınalysatyn adamdar qamqorlyqtyń, shydamdylyqtyń jáne eńbektiń ne ekenin jaqsy biletin adam dep esepteledi eken. «Jetisý» áýesqoı kógirshin bapkerleri» qoǵamdyq birlestiginiń bastamasymen uıymdastyrylǵan sharaǵa Máskeýden arnaıy sarapshylar shaqyrtylyp, kepterdiń san alýan tuqymdaryna baǵa berdi.
Qazylar alqasy ortaazııalyq «Navat - Kankan», «Buharlyq» tuqymdy kógershinderge joǵary baǵa berdi. «Jetisý» klýbynyń ókilderi mundaı kórmelerdi jyl saıyn ótkizip turýdy uıǵaryp otyr. Kelesi joly TMD-nyń basqa da elderiniń kógershin baptaýshylarynyń qatysýymen keń kólemde kórme ótkizý jaıy qarastyrylýda.
