Almatyda qoǵamdyq tamaqtaný oryndarynda ishimdik satýǵa tyıym salyndy
ALMATY. QazAqparat – Almatyda búginen bastap saýda, qoǵamdyq tamaqtaný, bazarlar, janarmaı-jaǵarmaı quıý beketteri, ónerkásip oryndary jumys isteıdi, dep habarlaıdy QazAqparat tilshisi.
12 qańtardaǵy jaǵdaı boıynsha Almaty qalasynda 149 iri jáne orta sýpermarketterdiń 120-sy jumys isteıdi. Tártipsizdik barysynda iri saýda jelileriniń 31 obektisi zardap shekti. Búginde 52 saýda bazary jumys isteıdi. Bazarlar arasynda zardap shekken nysandar anyqtalǵan joq.
220 janar-jaǵarmaı quıý beketiniń 127-si kestege sáıkes jumys istep jatyr. 13 qańtardan bastap qosymsha 33 jelilik emes jeke JJQB ashý josparda. Janar-jaǵarmaı quıý beketteriniń 74 nysany zardap shekti, onyń 14-i qalpyna keltirildi.
Qalada 93 iri saýda obektisi bar. 11 qańtardan bastap altaýy jumysyn bastady. «Globýs», «Spýtnık», «Rıtts palas», «Alma-Ata», «Grand park», «Almaty moll», sondaı-aq 60 saýda ortalyǵy iske qosyldy.
12 qańtardan bastap 8 saýda ortalyǵy jumys isteıdi. Atap aıtar bolsaq, «Dostyq plaza», «Mega park», «Mega Alma-Ata», «Atakent moll», «Mart», «Sılkýeı sıtı», «Alataý».
17 nysan «Máskeý», «MBO», «Azııa park», «Almaly», «Maksıma», «Asyl», «Nur», «Alma-Ata», «Arena», «Domıllıon», «12 aı», «Promenad», «Passaj», «Megataý», «Mereı», «Mobıl», «Sıtı tsentr» saýda úılerizardap shekti. Olar qaıta jańartylýǵa jatady. «
«Esentaı moll», «Forým» SOSO qaladaǵy jaǵdaıdyń turaqtanýyn kútýde, sodan keıin kelýshiler úshin ashyq bolady.
Búgingi kúni 3,2 myń qoǵamdyq tamaqtaný obektileriniń 1,5 myńy jumys kestesimen saǵat 09.00-den 18.00-ge deıin jumys isteıdi. Sondaı- aq ol jerde tótenshe jaǵdaı rejımi aıaqtalǵanǵa deıin spırttik ishimdikterdi satýǵa tıym salyndy.
39 qoǵamdyq tamaqtaný nysany zardap shekti.
Búginde 120 kásiporynnyń 82-i jumys isteıdi.
19 qańtarǵa deıin 38 kásiporyndy iske qosý kózdelgen.
