Almatyda qoǵamdyq oryndardy dezınfektsııalaýdyń ekinshi kezeńi bastalady

ALMATY. QazAqparat – Almatyda bas sanıtar dáriger Jandarbek Bekshınniń tapsyrmasyna sáıkes qoǵamdyq oryndardy jappaı zararsyzdandyrýdyń ekinshi kezeńi bastalady, dep habarlaıdy QazAqparat tilshisi.

Erteńnen bastap qaladaǵy barlyq qoǵamdyq oryndar jappaı zararsyzdandyrylady.

Adam kóp júretin saıabaq, alań, jaıaý júrginshi joldary dezınfektsııalanady. Tańǵy 6:00-den bastap ortalyq kósheler, trotýarlar, saıabaqtar óńdeledi.

«Karantın sharalary bosańsýyna baılanysty koronavırýspen aýyratyndardyń sany artyp keledi. Qala turǵyndary alańǵa, saıabaqqa serýenge shyǵa bastady. Olardyń kópshiligi sanıtarlyq talapty saqtamaıdy. Maska taqpaıdy, áleýmettik araqashyqtyqty eshkim ustanbaıdy» dep málim etti turǵyn úı saıasaty basqarmasynan.

Jappaı zararsyzdandyrý jumysyna 1200 jumysshy, 135 tehnıka tartylǵan.

Karantın rejımi bastalǵaly beri qalada kúnine 2 ret 24 myń podezd, 4 myń aýla dezınfektsııalanady.

Kúnine 75 myń lıtr daıyn eritindi qoldanylady.