Almatyda qoǵamdyq kóliktiń tóbesinde otshashý atqandar ustaldy
Bostandyq aýdandyq polıtsııa basqarmasynyń málimetinshe, buzaqylyq jasaǵan jastar anyqtalyp, ustaldy.
«Tórt adam ustaldy. Árqaısysynyń óz róli bolǵan. Bireýi qoǵamdyq kólik júrgizýshisiniń nazaryn aýdarsa, ekinshisi - uıaly telefon kamerasyna túsirgen taǵy ekeýi - tikeleı oryndaýshylar, olar qoǵamdyq kóliktiń tóbesine shyǵyp, feıerverk atqan. Olardyń arasynda kámelet jasqa tolmaǵandar da bar», - deıdi Bostandyq aýdandyq polıtsııa basqarmasynyń bastyǵy Dýman Aýhadıev.
Qazirgi ýaqytta atalǵan oqıǵa boıynsha QR Qylmystyq kodekstiń 293-babymen is tergelip jatyr.
Sonymen qatar, buzaqylardyń áreketinde QR ÁQbK-niń 436-babynda kózdelgen quqyq buzýshylyq belgileri bar.
Polıtsııa ókili qoǵamdyq kólik jolaýshylaryna naqty qaýip tóndirgen jastardyń mundaı keleńsiz áreketteriniń shynaıy sebebin tergeý anyqtaıtynyn atap ótti. Sonymen qatar, avtobýs tóbesinen sekirgen buzaqylardyń biri basynan jaraqattap alǵan.
Eske salaıyq, júrip bara jatqan avtobýstyń tóbesindegi shyǵyp feıerverk jaqqandarlyń áreketi áleýmettik jelide taraǵan bolatyn.