Almatyda qoǵamdyq kólikterge reıd júrgiziledi
ALMATY. QazAqparat – Almatyda polıtsııa men sanepıdemıologtar qoǵamdyq kólikte koronavırýsqa qarsy sharalardyń saqtalýyn qadaǵalaý úshin reıd ótkizetin bolady, dep habarlaıdy QazAqparat tilshisi.
Qalalyq Polıtsııa departamentiniń basshysy Qanat Taımerdenovtiń aıtýynsha, koronavırýs ınfektsııasynyń taralýyn boldyrmaý úshin SES qyzmetkerleri men ákimdik ókilderi qoǵamdyq kólikterdi teksere bastaıdy.
Onyń barysynda avtobýs júrgizýshileri men jolaýshylar arasynda túsindirý jumystary júrgiziledi.
Aıta keteıik, Almatyda qoǵamdyq kóliktiń júrý ýaqyty keshki 21:00-ge deıin uzartyldy. Jolaýshylardyń barlyǵy maska kıip, áleýmettik qashyqtyqty ustaýy tıis.
