Almatyda qoǵamdyq kólikterdiń jumys ýaqyty uzartyldy
ALMATY. QazAqparat –Almatyda qoǵamdyq kólikterdiń júrý ýaqyty bir saǵatqa uzardy, dep habarlaıdy QazAqparat tilshisi.
«29 qyrkúıekten bastap Almaty qalasynyń qoǵamdyq kóligi 6:00-den 23:00-ge deıin jumys isteıdi», - dep habarlady Almaty kólik holdıngi.
Buǵan deıin, qaladaǵy qoǵamdyq kólikter tańǵy 6:00–den keshki 22:00– ge deıin júrgen bolatyn. Osylaısha, jumys ýaqyty bir saǵatqa uzartyldy.
Aıta keteıik, qyrkúıek aıynyń basynan bastap turǵyndardyń ótinishi boıynsha, Almatyda demalys kúnderi qoǵamdyq kólik, onyń ishinde metro kestege sáıkes jumys isteı bastady.