Almatyda qoǵamdyq kóliktegi jolaqy baǵasynyń ósýi úsh kúnge shegerildi
ALMATY. 20 shilde. QazAqparat - Qasıetti Ramazan aıynyń bastalýyna oraı Almatyda qoǵamdyq kóliktegi jolaqy baǵasynyń ósýi buǵan deıin habarlaǵandaı 20 shildede emes tek 23-inen bastap ósetin boldy.
Máslıhattyń 22 mamyrdaǵy V sessııasynyń sheshimimen jáne qala ákiminiń 27 maýsymdaǵy №2/571 qaýlysy boıynsha qoǵamdyq kóliktegi jolaqy baǵasy jumadan bastap 50-den 80-teńgege ósýi tıis bolǵan. Alaıda, 16 shilde kúni Qazaqstan musylmandary dinı basqarmasynyń tóraǵasy, sheıh Ábsattar qajy Derbisáli men Ortalyq meshittiń bas ımamy Mahanbet Qulmuhammed qasıetti Ramazan aıy týraly baspasóz máslıhatynda qala ákimdigine qoǵamdyq kóliktegi jolaqyny ósirýdi keıinge qaldyrý týraly ótinish jasaǵandaryn aıtqan edi.
Onda qala ákiminiń orynbasary avtobýs parkteriniń basshylarymen bul máseleni dúısenbide arnaıy talqylaýǵa ýáde bergenin jetkizgen. Óıtkeni 1 aı buryn bas múftı sheıh Ábsattar qajy Derbisáli mınıstrlikter men túrli sala jetekshilerine, oblys, qala, aýdan basshylaryna, kásipkerler men jalpy el halqyna úndeý jarııalap, respýblıka kóleminde aktsııa bastaǵan bolatyn. Onda: «osynaý múbárak aıda túrli mekeme basshylary men kásipker musylman baýyrlarymdy Jaratýshy Iemizdiń meıirimin tilep, azyq-túliktiń, qonaqúıler men qoǵamdyq qyzmetterdiń, kıim-keshektiń, qurylys zattary men janar-jaǵarmaıdyń, mektep formasy men oqýlyqtarynyń, demalys lagerleri men shıpajaılardyń, meıramhanalar men ashanalardyń baǵasyn 10 paıyzǵa túsirip, jeńildik jasaýǵa shaqyramyn. Qoǵamdyq kólikterde júrý aqysy, kommýnaldyq qyzmet tólemaqylary mentelekommýnıkatsııalyq baılanys tarıfteri de osylaı tómendetilip jatsa, nur ústine nur bolar edi», - degen bolatyn.
