Almatyda qoǵamdyq kólikte jolaqy qymbattady
ALMATY. QazAqparat- Almatyda qoǵamdyq kólikte jol júrý quny 20 teńgege ósti, dep habarlaıdy QazAqparat tilshisi.
Atap aıtqanda, «Ońaı» kartasymen nemese QR-kod arqyly tólem jasaǵanda jol júrý aqysy 100 teńgeni quraıtyn bolady, ıaǵnı baǵa 20 teńgege qymbattaıdy. Qolma-qol tólemde jol júrý quny – 150-den 200 teńgege deıin kóteriledi.
Eske salaıyq jańa tarıf 9 tamyz kúni qala máslıhatynyń 7-shi sessııasynda bekitilgeni týraly da jazǵan edik.
Al, 10 tamyz kúni Almaty ákimi Erbolat Dosaev jolaýshylardy tasymaldaý tarıfterin kóterý týraly qaýlyǵa qol qoıǵan bolatyn.
Ákimdik ókilderiniń aıtýynsha, tasymaldaýshylar shyǵyndarynyń artqanyna qaramastan, megapolıste jolaqy 11 jyldan astam ýaqyt boıy ózgermegen.
